.webp)
Advertisement
Admit Card 2021: इंदिरा गांधी राष्ट्रीय मुक्त विद्यापीठाने (IGNOU) जून २०२१ टर्म-परीक्षा (June 2021 टीईई) साठी प्रवेशपत्र जाहीर केले आहे. जून २०२१ टर्म एंड परीक्षांसाठी अर्ज भरलेल्या इग्नूच्या विविध यूजी, पीजी, पीजी डिप्लोमा, डिप्लोमा आणि प्रमाणपत्र अभ्यासक्रमांचे विद्यार्थी विद्यापीठाच्या अधिकृत वेबसाइट, ignou.ac वर जाऊन प्रवेशपत्र डाऊनलोड करु शकतात. बातमीखाली याची थेट लिंक देण्यात आली आहे. असे करा डाऊनलोड विद्यार्थ्यांनी सर्वप्रथम इग्नूच्या अधिकृत वेबसाईटवर जा. प्रवेशपत्र डाऊनलोड करण्यासाठी होमपेजवर दिलेल्या अलर्ट सेक्शनमध्ये संबंधित लिंकवर क्लिक करा. नवीन पेजवर विद्यार्थ्यांना त्यांचा रोल नंबर आणि दिलेल्या ड्रॉप-डाउनमधून कोर्सची निवड करावी लागेल. यानंतर विद्यार्थी त्यांचे प्रवेशपत्र स्क्रीनवर पाहू शकतील. भविष्यातील उपयोगासाठी प्रवेशपत्राची प्रिंट घ्या. २७ सप्टेंबर ते ६ ऑक्टोबर दरम्यान परीक्षा इग्नूद्वारे जून २०२१ टर्म-एंड-परीक्षा २७ सप्टेंबर ते ६ ऑक्टोबर २०२१ दरम्यान आयोजित केली जाणार आहे. परीक्षा ORPE (ऑनलाईन रिमोट प्रोक्टेड परीक्षा) माध्यमातून घेतली जाणार आहे. या परीक्षेत बहुपर्यायी स्वरूपाचे प्रश्न विचारले जातील. उमेदवार त्यांच्या सोयीनुसार, घरातून किंवा इतर कोणत्याही ठिकाणाहून या ऑनलाईन परीक्षेला बसू शकतील. परीक्षेसाठी अर्ज करण्याची अंतिम तारीख २० सप्टेंबर २०२१ आहे. ज्या विद्यार्थ्यांनी सप्टेंबर २०२० आणि मार्च २०२१ मध्ये NTA द्वारे आयोजित IGNOU ऑनलाईन अभ्यासक्रमांसाठी परीक्षा दिली आणि यशस्वी झाले आहेत त्यांना TEE-June 2021 साठी अर्ज करण्याची आवश्यकता नाही.
from Career News in Marathi: Career News, मराठी Career बातम्या | Maharashtra Times https://ift.tt/3lgfz6o
via nmkadda
