.webp)
Advertisement
NEET 2021: वैद्यकीय अभ्यासक्रमांच्या प्रवेशासाठी राष्ट्रीय पात्रता सह प्रवेश परीक्षा (NEET 2021) परीक्षा रविवारी घेण्यात आली. नोंदणी केलेल्या विद्यार्थ्यांपैकी ९५ टक्क्यांपेक्षा जास्त उमेदवार वैद्यकीय प्रवेश परीक्षेला बसले होते. ही परीक्षा देशभरातील ३,८०० हून अधिक परीक्षा केंद्रांवर घेण्यात आली. या वर्षी NEET परीक्षेसाठी १६.१४ लाख उमेदवारांनी अर्ज केले होते. गेल्या वर्षी, नोंदणीकृत उमेदवारांपैकी ८५ टक्क्यांहून अधिक उमेदवारांनी कोविड महामारी दरम्यान परीक्षेला हजेरी लावली. एका वरिष्ठ अधिकाऱ्याने सांगितले, 'सर्व कोविड प्रोटोकॉलचे पालन करून, शनिवारी घेण्यात आलेल्या परीक्षेत ९५ टक्क्यांहून अधिक उमेदवारांनी हजेरी लावली.' परीक्षा यंदा प्रथमच १३ भाषांमध्ये घेण्यात आली. परीक्षेचे माध्यम म्हणून पंजाबी आणि मल्याळम भाषा जोडल्या गेल्या. त्याच वेळी, पश्चिम आशियातील भारतीय विद्यार्थ्यांच्या सोयीसाठी, राष्ट्रीय पात्रता कम प्रवेश परीक्षेसाठी (NEET) कुवेतमध्ये एक नवीन परीक्षा केंद्र उघडण्यात आले. NEET परीक्षा यंदा हिंदी, पंजाबी, आसामी, बंगाली, ओडिया, गुजराती, मराठी, तेलगू, मल्याळम, कन्नड, तामिळ, उर्दू आणि इंग्रजीमध्ये घेण्यात आली. NEET परीक्षा आधी १ ऑगस्ट रोजी होणार होती, परंतु करोनामुळे ती १२ सप्टेंबरपर्यंत पुढे ढकलण्यात आली. ज्या शहरांमध्ये परीक्षा घेतली जाते त्यांची संख्या १५५ वरून २०२ करण्यात आली. त्याचबरोबर परीक्षा केंद्रांची संख्या वाढवण्यात आली. गेल्या वर्षी, कोविड -१९ साथीच्या पार्श्वभूमीवर कडक खबरदारी दरम्यान NEET परीक्षा 13 सप्टेंबर रोजी घेण्यात आली होती. एकूण १३.६६ लाख उमेदवार परीक्षेला बसले होते, त्यापैकी ७,७१,५०० पात्र ठरले.
from Career News in Marathi: Career News, मराठी Career बातम्या | Maharashtra Times https://ift.tt/3k8NJtz
via nmkadda
