जामिया विद्यापीठ ७ सप्टेंबरपासून टप्प्याटप्प्याने उघडणार Rojgar News

जामिया विद्यापीठ ७ सप्टेंबरपासून टप्प्याटप्प्याने उघडणार Rojgar News

Jamiya Hamdard : परिसर ७ सप्टेंबरपासून टप्प्याटप्याने उघडला जाणार आहे. पदवी आणि पदवीधर अभ्यासक्रमाच्या अंतिम वर्षाच्या विद्यार्थ्यांसाठी विद्यापीठात दोन शिफ्टमध्ये ऑफलाइन वर्ग आणि प्रयोगशाळेचे काम पुन्हा सुरू होणार आहेत. प्रत्येक शिफ्टमध्ये ५० टक्के विद्यार्थ्यांची उपस्थिती असणार आहे. बीएससी, बीटेक, बीफार्म, बीयूएमएस, बीबीए, एमएससी, एमटेक, एमबीए, एमसीए, एमफार्म आणि पॅरामेडिकल सायन्सेस आणि रिहॅबिलिटेशन सायन्सेससह अंतिम वर्षांचे विद्यार्थी आता ७ सप्टेंबरपासून वर्गात येऊ शकतात. असे असले तरीही ऑनलाईन वर्ग सुरू राहतील आणि विद्यार्थी ऑनलाइन किंवा ऑफलाइन अशा कोणत्याही माध्यमातून शिकू शकतात. ऑफलाइन वर्गांना उपस्थित राहणे हे विद्यार्थ्यांसाठी पूर्णपणे ऐच्छिक असणार आहे. अंतिम वर्षाचे वर्ग ऑफलाईन माध्यमातून सुरू करण्यासंदर्भात जामिया विद्यापीठाने नोटिफिकेशन जाहीर केले आहे. परिस्थितीचा आढावा घेतल्यानंतर पुढील टप्प्यात उर्वरित पदवीधर आणि पदव्युत्तर विद्यार्थ्यांसाठी वर्ग पुन्हा सुरू केले जातील असे विद्यापीठातर्फे सांगण्यात आले. पहिल्या टप्प्यातील ऑफलाइन वर्गात सहभागी होणाऱ्या विद्यार्थ्यांना विद्यापीठात प्रवेश घेताना निगेटिव्ह RT-PCR टेस्ट रिपोर्ट आणि लसीकरण प्रमाणपत्र सादर करावे लागेल. त्यांच्या पालकांनी स्वाक्षरी असणे देखील महत्वाचे आहे. करोनामुळे लावण्यात आलेल्या लॉकडाऊनमुळे विद्यापीठ परिसर बंद ठेवल्यानंतर ऑफलाईन वर्ग पुन्हा सुरू करताना विद्यापीठाने निर्देश जाहीर कले आहेत. कुलगुरू अफशर आलम म्हणाले, 'प्रत्येक गोष्ट टप्प्याटप्प्याने आणि पद्धतशीरपणे केली जाईल. ऑफलाईन वर्गांसाठी, अंतिम वर्षाच्या विद्यार्थ्यांना प्रथम प्राधान्य दिले जाईल. यामध्ये B.Sc/B.Tech/BPharm/BUMS/BBA/MSc/MTech/MBA/MCA/MPharm सारख्या अभ्यासक्रमांचे विद्यार्थी आणि पॅरामेडिकल सायन्सेस आणि रिहॅबिलिटेशन सायन्सेसच्या अंतिम वर्षाच्या विद्यार्थ्यांचा समावेश असेल.तसेच एकदा पहिला टप्पा यशस्वीरित्या पूर्ण झाला की आम्ही त्याचा इतर बॅचेस आणि अभ्यासक्रम देखील विद्यापीठामध्ये पुर्वीप्रमाणे सुरु करु असेही ते म्हणाले. 'ऑनलाईन वर्गातून अभ्यास करणे ज्यांच्यासाठी कठीण जात होते त्यांच्यासाठी हा मोठा दिलासा असेल', असे जामिया हमदर्दचे रजिस्टार सय्यद सौद अख्तर म्हणाले.


from Career News in Marathi: Career News, मराठी Career बातम्या | Maharashtra Times https://ift.tt/3h2UJGi
via nmkadda

0 Response to "जामिया विद्यापीठ ७ सप्टेंबरपासून टप्प्याटप्प्याने उघडणार Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel