बीईचे झाले ‘बीटेक’; नागपूर विद्यापीठाची अधिसूचना Rojgar News

बीईचे झाले ‘बीटेक’; नागपूर विद्यापीठाची अधिसूचना Rojgar News

म.टा.प्रतिनिधी, नागपूर राष्ट्रसंत तुकडोजी महाराज नागपूर विद्यापीठातील बॅचलर ऑफ इंजिनिअरींग ही पदवी आता कायमस्वरुपी रद्द होणार आहे. इंजिनीअरिंग शिक्षण पूर्ण करणाऱ्या विद्यार्थ्यांना ‘बी.ई.’ ऐवजी ‘बी.टेक.’ ही पदवी देण्याची निर्णय विद्यापीठाने घेतला आहे. त्यासंदर्भातील अधिसूचना बुधवारी जारी करण्यात आली आहे. नागपूर विद्यापीठाअंतर्गत असलेल्या विविध इंजिनीअरिंग कॉलेजांमधील विद्यार्थ्यांना सध्या बी.ई. अशी पदवी देण्यात येते. नागपूर विद्यापीठाचाच भाग असलेल्या लक्ष्मीनारायण इन्स्टिट्यूट ऑफ टेक्नॉलॉजी येथे विद्यार्थ्यांना ‘बी.टेक.’ पदवी देण्यात येते. व्हीएनआयटीसह देशातील अनेक इंजिनीअरिंग कॉलेजांमध्ये हा अभ्यासक्रम पूर्ण करणाऱ्या विद्यार्थ्यांना ‘बी.टेक.’ हीच पदवी प्रदान करण्यात येते. नागपूर विद्यापीठाने २०२०-२१ या सत्रापासून इंजिनीअरिंग अभ्यासक्रमाचे स्वरूप ‘अॅक्टिव्हिटी बेस्ड लर्निंग’ असे केले आहे. त्यानंतर, पदवीचे नामांतरण करण्याची मागणीदेखील वारंवार करण्यात येत होती. या बाबतचा प्रस्ताव विद्यापीठाच्या विद्वत्त परिषदेसमोर मांडण्यात आला होता. ३१ ऑगस्ट, २०२१ रोजी झालेल्या विद्वत्त परिषदेच्या तातडीच्या बैठकीत ‘बी.ई.’चे नाव बदलून त्याचे ‘बी.टेक.’ असे नामांतरण करण्याचा निर्णय घेण्यात आला होता. यासंदर्भातील नागपूर विद्यापीठाने तशी अधिसूचना बुधवारी प्रसिद्ध केली. विद्यापीठाच्या संकेतस्थ‌ळावरही ती प्रसिद्ध करण्यात आली आहे. शैक्षणिक सत्र २०२०-२१ किंवा त्यानंतर ज्या विद्यार्थ्यांनी विद्यापीठाशी संलग्नित, संचालित किंवा स्वायत्त कॉलेजांमध्ये ‘बी.ई.’च्या प्रथम वर्षाला प्रवेश घेतला असेल, अशा सर्व विद्यार्थ्यांना आता अभ्यासक्रम पूर्ण केल्यानंतर ‘बी.टेक.’ पदवी प्रदान करण्यात येईल. नव्या निर्णयानुसार, २०२३-२४ या सत्राच्या अखेरीस इंजिनीअरिंग अभ्यासक्रम पूर्ण करणारा विद्यार्थी ‘बी.टेक.’ पदवीधारक म्हणून ओळखला जाणार आहे.


from Career News in Marathi: Career News, मराठी Career बातम्या | Maharashtra Times https://ift.tt/2ZeYJgM
via nmkadda

0 Response to "बीईचे झाले ‘बीटेक’; नागपूर विद्यापीठाची अधिसूचना Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel