SSC Recruitment 2021: विभागानुसार सर्वाधिक रिक्त पदांचा तपशील जाणून घ्या Rojgar News

SSC Recruitment 2021: विभागानुसार सर्वाधिक रिक्त पदांचा तपशील जाणून घ्या Rojgar News

Recruitment 2021: कर्मचारी निवड आयोगाने (SSC) सिलेक्शन पोस्ट फेज -०९ पदभरतीचे नोटिफिकेशन जाहीर केले आहे. IX/2021/निवड पदांच्या अंतर्गत आयोगाने ३२६१ पदांच्या रिक्त जागा भरल्या जाणार आहेत. या पदांवर निवड झालेल्या उमेदवारांना केंद्र सरकारच्या २७१ विभागांमध्ये पोस्टिंग देण्यात येणार आहे.अधिकृत नोटिफिकेशननुसार या पदांसाठी अर्ज करण्याची प्रक्रिया २४ सप्टेंबर २०२१ पासून सुरू झाली आहे. एसएससी सिलेक्शन पोस्ट फेज ९ परीक्षा २०२१ च्या माध्यमातून एकूण ९ क्षेत्रांमध्ये ३ हजारांहून अधिक पदांवर भरती होणार आहे. यासाठी अर्ज करण्याची प्रक्रिया सुरू झाली असून उमेदवार २५ ऑक्टोबर २०२१ पर्यंत आयोगाच्या अधिकृत वेबसाइट ssc.nic.in वर अर्ज करू शकतात. विभागानुसार सर्वाधिक रिक्त पदांचा तपशील कर्मचारी निवड आयोगाने एकूण ९ विभागांमध्ये दहावी, बारावी आणि पदवी स्तराच्या एकूण ३२६१ पदांसाठी निवड पोस्ट फेज ९ परीक्षा २०२१ ची घोषणा केली आहे. केंद्र सरकारच्या संरक्षण मंत्रालय, वस्त्रोद्योग मंत्रालय, माहिती आणि प्रसारण मंत्रालय, श्रम मंत्रालय, पर्यावरण आणि वन मंत्रालय, संस्कृती मंत्रालय, जलसंपदा मंत्रालयामध्ये ही भरती होणार आहे. या मंत्रालयांमध्ये विभागानुसार सर्वाधिक रिक्त जागांचा तपशील पुढीलप्रमाणे आहे. गर्ल्स कॅडेट इन्स्पेक्टर (मध्य विभाग) - ३४ जागा मल्टी टास्किंग स्टाफ (पूर्व विभाग) - ३९८ जागा मल्टी टास्किंग स्टाफ - तांत्रिक (पूर्व विभाग) - ७८ जागा संशोधन सहाय्यक (पूर्व विभाग) - १४६ जागा केमिकल असिस्टंट (एमपीआर) - ९२ जागा असिस्टंट कम्युनिकेशन ऑफिसर (उत्तर विभाग) - ५२ जागा लस्कर -१ (उत्तर विभाग)-१४२ जागा एमटी हेल्पर (कॉन्स्टेबल), मेकॅनिकल - दिल्ली पोलीस (NW) - १०४ जागा या भरतीसाठी अर्ज करू इच्छिणारे उमेदवार कर्मचारी निवड आयोगाची अधिकृत वेबसाइट ssc.nic.in ला भेट देऊन अर्ज करू शकतात. अर्ज करण्यापूर्वी उमेदवारांनी अधिकृत नोटिफिकेशन काळजीपूर्वक वाचून त्यानंतरच अर्ज करावा. अर्जामध्ये काही विसंगती आढळली तर अर्ज रद्द करण्यात येईल. महत्वाच्या तारखा ऑनलाईन अर्ज करण्याची तारीख- २४ सप्टेंबर २०२१ ऑनलाइन अर्ज करण्याची शेवटची तारीख- २५ ऑक्टोबर २०२१ ऑनलाईन फी भरण्याची शेवटची तारीख- २८ ऑक्टोबर २०२१ ऑफलाइन चलान तयार करण्याची अंतिम तारीख- २८ ऑक्टोबर २०२१ चलान द्वारे पेमेंट करण्याची शेवटची तारीख-१ नोव्हेंबर २०२१ कॉम्प्युटर आधारित परीक्षेच्या तारखा- जानेवारी/फेब्रुवारी २०२२ अर्ज फी आयोगाने जाहीर केलेल्या नोटिफिकेशननुसार उमेदवारांना १०० रुपये अर्ज शुल्क भरावे लागेल. भीम यूपीआय, नेट बँकिंग, व्हिसा, मास्टरकार्ड, क्रेडिट किंवा डेबिट कार्ड वापरून ऑनलाईन शुल्क भरता येऊ शकते. याशिवाय एसबीआय शाखांमध्ये एसबीआय चलान तयार करून देखील शुल्क भरता येईल. महिला उमेदवार आणि अनुसूचित जाती, अनुसूचित जमाती, अपंग व्यक्ती आणि माजी सैनिक अशा आरक्षणासाठी पात्र उमेदवारांना शुल्कात सवलत देण्यात आली आहे. भरतीशी संबंधित अधिक माहितीसाठी उमेदवार आयोगाच्या अधिकृत वेबसाइटला भेट देऊ शकतात.


from Career News in Marathi: Career News, मराठी Career बातम्या | Maharashtra Times https://ift.tt/3ugFKxV
via nmkadda

0 Response to "SSC Recruitment 2021: विभागानुसार सर्वाधिक रिक्त पदांचा तपशील जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel