.webp)
Advertisement
JEE Advanced Result 2021: इंडियन इन्स्टिट्यूट ऑफ टेक्नॉलॉजी खडगपूरने जॉइंट एन्ट्रन्स एक्झामिनेशन अॅडव्हान्स्ड म्हणजेच जेईई अॅडव्हान्स्ड परीक्षेचा (JEE Advanced 2021) निकाल शुक्रवारी घोषित केला आहे. या निकालासह टॉपर्सची यादी देखील जाहीर करण्यात आली आहे. आयआयटी दिल्ली झोनचा मृदुल अग्रवाल याने या परीक्षेत सर्वाधिक गुणांसह प्रथम क्रमांक पटकावला आहे. त्याला ३६० पैकी ३४८ गुण म्हणजेच ९९.६६ टक्के गुण मिळाले आहे. विशेष म्हणजे २०११ नंतरचा हा जेईई अॅडव्हान्स्ड परीक्षेचा सार्वधिक स्कोअर आहे. मुलींमध्ये आयआयटी दिल्लीचीच काव्या चोप्रा प्रथम आली आहे. तिला ३६० पैकी २८६ गुण प्राप्त झाले आहेत. जॉइंट एन्ट्रन्स एक्झामिनेशन अॅडव्हान्स्ड २०२१ च्या पेपर १ आणि पेपर २ मध्ये एकूण १,४१,६९९ विद्यार्थी सहभागी झाले होते. त्यापैकी एकूण ४१,८६२ विद्यार्थी पात्र ठरले आहेत. जॉइंट एन्ट्रन्स एक्झामिनेशन अॅडव्हान्स्ड परीक्षेचा निकाल पुढील पद्धतीने पाहा - - सर्वात आधी अधिकृत वेबसाइट jeeadv.ac.in वर जा. - यानंतर हायलाइट केलेल्या रिझल्टच्या पर्यायावर क्लिक करा. - यानंतर आपला रोल नंबर आणि जन्मतारीख भरून सबमिट करा. - यानंतर समोर स्क्रीनवर तुम्हाला तुमचा निकाल दिसेल. - निकाल सेव्ह करून डाऊनलोड करा आणि भविष्यातील संदर्भासाठी प्रिंट आऊटही घेऊन ठेवा. टॉपर्सची पीडीएफ फाइल पाहण्यासाठी पुढील लिंकवर क्लिक करा -
from Career News in Marathi: Career News, मराठी Career बातम्या | Maharashtra Times https://ift.tt/3BKnoZd
via nmkadda
