.webp)
Advertisement
2021: दिवाळी २०२१ च्या पार्श्वभूमीवर देशभरातील ६ हजारहून अधिक उमेदवारांना स्टाफ सिलेक्शनतर्फे 'दिवाळी गिफ्ट' मिळणार आहेत. कमिशन (SSC) द्वारे या ३१ ऑक्टोबर २०२१ रोजी दोन प्रमुख भरती परीक्षांचे अंतिम निकाल जाहीर केला जाणार आहे. दोन्ही भरती परीक्षांद्वारे संबंधित पदांसाठी एकूण ६१२९ अंतिम उत्तीर्णांची घोषणा करुन त्यांच्या नियुक्तीची प्रक्रिया सुरू केली जाईल. यासोबतच दिल्ली पोलीस कॉन्स्टेबल भरतीमधील उत्तीर्ण उमेदवारांना दिल्लीतील निवडक रुग्णालयांमध्ये वैद्यकीय तपासणीसाठी बोलावले जाणार आहे. दिल्ली पोलीस कॉन्स्टेबल भरती प्रक्रिया स्टाफ सिलेक्शनद्वारे दिल्ली पोलिसांमध्ये पुरुष आणि महिला कॉन्स्टेबलच्या एकूण ५८४६ पदांसाठी भरतीचे नोटिफिकेशन १ ऑगस्ट २०२१ रोजी प्रसिद्ध करण्यात आले. या पदभरतीची ऑनलाइन अर्ज प्रक्रिया ७ सप्टेंबरपर्यंत सुरु राहिली. या पदांसाठी झालेल्या निवड प्रक्रियेअंतर्गत २७ नोव्हेंबर ते १४ डिसेंबर या कालावधीत कॉम्प्युटर आधारित ऑनलाइन परीक्षा घेण्यात आली. सीबीटीचा निकाल १५ मार्चला जाहीर झाला. त्यानंतर २८ जून २०२१ पासून फिजिकल फिटनेस टेस्ट आणि कागदपत्रांची पडताळणी करण्यात आली. यानंतर आता अंतिम निवड झालेल्या उमेदवारांची यादी आयोगाकडून ३१ ऑक्टोबरला जाहीर होणार आहे. ज्युनिअर हिंदी ट्रान्सलेटर परीक्षा २०२० केंद्र सरकारच्या विविध मंत्रालय आणि विभागांमध्ये ज्युनिअर हिंदी ट्रान्सलेटर आणि सिनिअर हिंदी ट्रान्सलेटरच्या एकूण २८३ पदांसाठी भरती प्रक्रिया राबविण्यात आली. यासाठी स्टाफ सिलेक्शनतर्फे ज्युनिअर हिंदी ट्रान्सलेटर, ज्युनिअर ट्रान्सलेटर आणि सिनिअर हिंदी ट्रान्सलेटर परीक्षा २०२० चे नोटिफिकेशन २९ जून रोजी प्रसिद्ध करण्यात आले. यासाठी २५ जुलैपर्यंत अर्ज प्रक्रिया सुरु होती. त्यानंतर ६ ऑक्टोबरला पहिल्या टप्प्याची परीक्षा झाली. यानंतर दुसऱ्या टप्प्याची परीक्षा ३१ जानेवारी २०२१ रोजी घेण्यात आली. अंतिम निवड यादी दोन्ही टप्प्यातील गुणांच्या आधारे तयार केली जाणार आहे. प्रवेशपत्र नाकारले एसएससी जीडी कॉन्स्टेबल भरती परीक्षेसाठी अर्ज केलेल्या आणि प्रवेशपत्राची वाट पाहणाऱ्या उमेदवारांसाठी महत्वाची बातमी आहे. स्टाफ सिलेक्शन कमिशनने (SSC) विविध दलांमध्ये आसाम रायफल्समध्ये कॉन्स्टेबल (जनरल ड्युटी) आणि रायफलमनच्या एकूण २५ हजार २७१ पदांच्या भरतीसाठी नोटिफिकेशन जाहीर केले होते. त्यानंतर भरतीसाठी घेण्यात येणाऱ्या लेखी परीक्षेसाठी प्रवेशपत्र जाहीर करण्याबाबत महत्वाची नोटीस जाहीर करण्यात आली आहे. दरम्यान ज्या उमेदवारांनी अर्ज करताना त्यांच्या फोटोच्या खाली फोटोच्या तारखेसह फोटो अपलोड केला नाही. किंवा फोटोची तारीख निर्धारित तारखेनुसार नाही. किंवा चुकीची तारीख टाकली आहे आणि ज्या उमेदवारांचा अर्ज अपूर्ण आहे अशा उमेदवारांना प्रवेशपत्र नाकारण्यात आले आहे.
from Career News in Marathi: Career News, मराठी Career बातम्या | Maharashtra Times https://ift.tt/3GI3dho
via nmkadda
