.webp)
Advertisement
राज्यासह मुंबईतली सर्व बुधवार २० ऑक्टोबर पासून प्रत्यक्ष सुरू होत आहेत. मुंबई महानगरपालिकेने या ऑफलाइन वर्गांसाठी मार्गदर्शक सूचना जारी केल्या आहेत. या मार्गदर्शक सूचनांमध्ये विशेषत: कोविड-१९ सुरक्षिततेसंदर्भातील सूचनांचा समावेश आहे. करोनाकाळानंतर सुमारे दीड वर्षांच्या गॅपनंतर प्रत्यक्ष सुरू होत आहेत. काही ठिकाणी, विशेषत: ग्रामीण भागात वर्ग सुरू झाले असले तरी खऱ्या अर्थाने सर्व महाविद्यालये बुधवार २० ऑक्टोबर पासून सुरू होत आहेत. विद्यार्थी आणि पालकांना कळवण्यात आले आहे की त्यांनी त्यांच्या कॉलेजकडून वर्ग ऑफलाइन सुरू होण्याची सूचना येण्याची वाट पाहावी. जरी मुंबई महानगरपालिकेने कॉलेज सुरू होण्याकरिता हिरवा कंदिल दाखवला असला तर अंतिम निर्णय कॉलेजांनी तेथील स्थानिक परिस्थितीनुसार घ्यायचा आहे. मुंबई महानगरपालिकेने जारी केलेल्या मार्गदर्शक सूचना पुढीलप्रमाणे - - महाविद्यालयांचे वर्ग केवळ ५० टक्के क्षमतेनेच उघडतील. - तूर्त केवळ दोन व्हॅक्सिन डोस पूर्ण झालेल्या विद्यार्थ्यांनाच प्रत्यक्ष वर्गात उपस्थित राहण्याची परवानगी आहे. १८ वर्षांखालील विद्यार्थ्यांसाठी हा नियम नाही. - जर विद्यार्थ्यांचे दोन व्हॅक्सिन डोस पूर्ण झाले नसतील, तरी त्यांना कॉलेजला यायचे असेल तर त्या महाविद्यालयाची ही जबाबदारी आहे की जवळच्या पालिकेच्या वॉर्ड ऑफिसशी संपर्क साधून अशा विद्यार्थ्यांसाठी कॉलेजच्या कॅम्पसमध्ये विशेष लसीकरण कार्यक्रम आखावा. - वर्गांमध्ये ऑफलाइन उपस्थिती बंधनकारक नाही. मात्र वर्गात न येणाऱ्या विद्यार्थ्यांनी ऑनलाइन क्लास अटेंड करावेत. - ऑनलाइन आणि ऑफलाइन अशा मिश्र पद्धतीने अध्यापन सुरू ठेवावे. कॉलेजे कोणत्या वर्गांसाठी उघडावीत, हे बंधनकारक नसले तरी मुंबईतील काही महाविद्यालयांनी पोस्ट ग्रॅज्युएट अभ्यासक्रमाचे वर्ग सुरुवातीला प्राधान्याने सुरू करण्याचा निर्णय घेतला आहे.
from Career News in Marathi: Career News, मराठी Career बातम्या | Maharashtra Times https://ift.tt/3jaMTvp
via nmkadda
