CBSE कडून 'या' विद्यार्थ्यांना दहावी-बारावी टर्म १ परीक्षेला न बसणाची सवलत Rojgar News

CBSE कडून 'या' विद्यार्थ्यांना दहावी-बारावी टर्म १ परीक्षेला न बसणाची सवलत Rojgar News

Exam: केंद्रीय माध्यमिक शिक्षण मंडळ, (CBSE) कडून दहावी आणि बारावी टर्म १ बोर्ड परीक्षा २०२२ ऑफलाइन पद्धतीने होणार आहे. मात्र परीक्षेपूर्वी बोर्डाने विद्यार्थ्यांना महत्वाची नोटीस बजावली आहे. दहावी-बारावीच्या टर्म १ परीक्षेला बसलेल्या आणि आंतरराष्ट्रीय / राष्ट्रीय क्रीडा स्पर्धा आणि आंतरराष्ट्रीय ऑलिम्पियाडमध्ये भाग घेतलेल्या विद्यार्थ्यांची बोर्ड परीक्षा घेतली जाणार नाही. अशा विद्यार्थ्यांचा निकाल टर्म २ परीक्षेच्या आधारे लावला जाईल असे या निर्देशांमध्ये म्हटले आहे. विद्यार्थ्यांना सीबीएसईची अधिकृत वेबसाइट cbse.gov.in वर नोटिफिकेशन पाहता येणार आहे. जाहीर करण्यात आलेल्या सूचनेनुसार, राष्ट्रीय/आंतरराष्ट्रीय क्रीडा स्पर्धांना भारतीय क्रीडा प्राधिकरणाची मान्यता असणे गरजेचे आहे. तसेच स्पर्धक विद्यार्थ्यांना टर्म १ च्या परीक्षेत सवलत देण्यासाठी शाळांनी २५ नोव्हेंबरपर्यंत सीबीएसईला लेखी माहिती द्यावी लागेल. सीबीएसईच्या प्रादेशिक कार्यालयांकडे आलेल्या सर्व विनंत्या आणि कागदपत्रांची पडताळणी केली जाईल. त्यानंतर परीक्षेतील सवलत दिली जाणार आहे. महत्वाच्या सूचना राष्ट्रीय/आंतरराष्ट्रीय क्रीडा स्पर्धा आणि आंतरराष्ट्रीय ऑलिम्पियाडमध्ये सहभागी होणाऱ्या इयत्ता दहावी, बारावीच्या विद्यार्थ्यांची टर्म १ परीक्षा घेतली जाणार नाही. क्रीडा स्पर्धांसह कार्यक्रमांच्या तारखा बोर्डाच्या परीक्षेच्या दिवशी येत असल्यास या शैक्षणिक वर्षासाठी त्यांचा निकाल टर्म २ परीक्षेतील गुणांच्या आधारे घोषित केला जाईल. आंतरराष्ट्रीय ऑलिम्पियाडमध्ये सहभागी होणाऱ्या विद्यार्थ्यांकडे होमी भाभा सेंटर फॉर सायन्स एज्युकेशनकडून (Homi Bhabha Centre for Science Education.) मान्यता असणे गरजेचे आहे. परीक्षेदरम्यान कोरोना पॉझिटिव्ह असल्यास विद्यार्थ्यांनी त्यांचा रिपोर्ट सबमिट करणे गरजेचे आहे. CBSE टर्म १ बोर्ड परीक्षा २०२२ (CBSE Term 1 Board Exam 2022) देणाऱ्या दहावी आणि बारावीच्या विद्यार्थ्यांना त्यांचे प्रवेशपत्र संबंधित शाळांमधून मिळणार आहे. CBSE: परीक्षेतील गैरप्रकारांवर असणार बोर्डाची नजर केंद्रीय माध्यमिक शिक्षण मंडळ (CBSE) परीक्षांमधील संभाव्य गैरप्रकार टाळण्यासाठी अॅडव्हान्स्ड डेटा अॅनालिस्ट ( Advanced Data Analytics) वापर केला जाणार आहे. यामुळे परीक्षा पारदर्शी होण्यास मदत होणार आहे. सीबीएसईचे आयटी संचालक अंत्रिक जोहरी यांनी यासंदर्भात माहिती दिली. या परीक्षा प्रमाणबद्ध आणि निष्पक्ष पद्धतीने घेतल्या जातील असेही ते म्हणाले. परीक्षा देणाऱ्या विद्यार्थ्यांना गैरप्रकार करण्यापासून रोखण्यासाठी बाहेरील पर्यवेक्षक आणि भरारी पथकांची नियुक्ती केली जाणार आहे. यासोबतच सीसीटीव्ही कॅमेऱ्यांद्वारे परीक्षा केंद्रांमध्ये लक्ष ठेवले जाणार आहे. CBSE टर्म १ च्या परीक्षा १६ नोव्हेंबरपासून सुरू होत आहेत. गैरप्रकार होण्याची अधिक शक्यता असणाऱ्या परीक्षाकेंद्रांमध्ये अॅडव्हान्स्ड डेटा अॅनालिस्टच्या मदतीने सुधारणा केली जाणार असल्याचे जोहरी यांनी सांगितले. केंद्र आणि व्यक्तीगत परीक्षार्थी स्तरावर संशयास्पद डेटा पॅटर्न ओळखण्यासाठी सेंट्रल स्क्वेअर फाउंडेशन (CSF) आणि प्लेपॉवर लॅब यांच्या सहकार्याने जानेवारी २०२१ मध्ये (CTET) परीक्षेच्या डेटावर प्रायोगिक विश्लेषण करण्यात आल्याचे जोहरी म्हणाले. आता अशा प्रकारचे विश्लेषण सीबीएसईच्या सर्व परीक्षांमध्ये केले जाणार आहे. तसेच, याचा उपयोग नॅशनल अचिव्हमेंट सर्व्हे, केंद्रीय शिक्षक पात्रता परीक्षा (CTET) आणि बोर्ड परीक्षांची विश्वासार्हता मजबूत करण्यासाठी केला जाईल.


from Career News in Marathi: Career News, मराठी Career बातम्या | Maharashtra Times https://ift.tt/3c18Clw
via nmkadda

0 Response to "CBSE कडून 'या' विद्यार्थ्यांना दहावी-बारावी टर्म १ परीक्षेला न बसणाची सवलत Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel