Government Job: स्टाफ सिलेक्शनतर्फे ११५० पदे भरणार Rojgar News

Government Job: स्टाफ सिलेक्शनतर्फे ११५० पदे भरणार Rojgar News

SSC JE 2019: कमिशन (SSC) द्वारे दरवर्षी केंद्र सरकारच्या विविध मंत्रालये आणि विभागांतर्गत संस्थांमधील विविध ट्रेडमधील ज्युनिअर इंजिनीअर (JE) पदांवर भरतीसाठी निवड प्रक्रिया आयोजित केली जाते. सध्या २०१९ च्या एसएससी जेई परीक्षेची निवड प्रक्रिया सुरू आहे. त्याअंतर्गत ज्युनिअर इंजिनीअरच्या ११५० जागा भरल्या जाणार आहेत. याआधी या पदभरती अंतर्गत ८८७ जागा भरण्यात येणार होत्या. आता ही संख्या वाढवून ११५० इतकी करण्यात आली आहे. आयोगाने जाहीर केलेल्या वेळापत्रकानुसार याचा अंतिम निकाल ३१ जानेवारी २०२२ रोजी जाहीर केला जाणार आहे. कर्मचारी निवड आयोगाने ज्युनिअर इंजिनीअर(सिव्हिल, मेकॅनिकल, इलेक्ट्रिकल आणि क्वांटिटी सर्व्हेइंग आणि कॉन्ट्रॅक्ट्स) परीक्षा २०१९ द्वारे भरल्या जाणार्‍या रिक्त पदांच्या संख्येत वाढ करण्यात आली आहे. १७ नोव्हेंबर २०२१ रोजी स्टाफ सिलेक्शनने यासंदर्भात सूचना जाहीर केली. नव्या जेई २०१९ परीक्षेद्वारे ११५० रिक्त जागांसाठी उमेदवारांची निवड केली जाणार आहे. यापूर्वी आयोगाने १९ ऑक्टोबर २०२० रोजी नोटीस जाहीरद्वारे एसएससी जेई २०१९ परीक्षेद्वारे ८८७ रिक्त जागा भरणार असल्याचे जाहीर केले होते. बॉर्डर रोड ऑर्गनायझेशनमध्ये सर्वाधिक रिक्त जागा स्टाफ सिलेक्शनने जाहीर केलेल्या अपडेटनुसार, सीमा रस्ते संघटना (BRO) मध्ये आता एकूण ७६० रिक्त पदे भरण्यात येणार आहेत. त्यापैकी ६८० सिव्हिल ट्रेडसाठी आणि ८० इलेक्ट्रिकल आणि मॅकेनिकल ट्रेडसाठी राखीव आहेत. जाहीर केलेल्या सर्व बीआरओ रिक्त जागा फक्त पुरुष उमेदवारांसाठी आहेत. यानंतर, दुसऱ्या क्रमांकावर केंद्रीय सार्वजनिक बांधकाम विभाग (CPWD) सिव्हिल ट्रेडमध्ये २७३ पदे रिक्त आहेत. त्याच विभागात इलेक्ट्रिकल ट्रेडसाठी ५२ रिक्त पदांची घोषणा करण्यात आली आहे. त्याचप्रमाणे केंद्रीय जल आयोगामध्ये ५४ पदे जाहीर करण्यात आली असून त्यापैकी ५० पदे सिव्हिल ट्रेड आणि ४ पदे मॅकेनिकल ट्रेडमधील आहेत. कर्मचारी निवड आयोगाने ज्युनिअर इंजिनीअर परीक्षा २०१९ साठी अर्ज करण्याची प्रक्रिया १ ऑगस्ट रोजी सुरू केली होती. यासाठी १२ सप्टेंबरपर्यंत अर्ज मागविण्यात आले. यानंतर पहिल्या टप्प्यातील पेपर १ ची परीक्षा २७ ते ३० ऑक्टोबर २०२० रोजी घेण्यात आली. याचा दुसरा टप्पा २१ मार्च रोजी घेण्यात आला.


from Career News in Marathi: Career News, मराठी Career बातम्या | Maharashtra Times https://ift.tt/30yvsPp
via nmkadda

0 Response to "Government Job: स्टाफ सिलेक्शनतर्फे ११५० पदे भरणार Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel