.webp)
Advertisement
PSU Jobs: सीए (CA) किंवा सीएमए (CMA) परीक्षा उत्तीर्ण असलेल्या पीएसयूमध्ये सरकारी नोकरी मिळवायची असेल तर ही बातमी तुमच्यासाठी आहे. सार्वजनिक क्षेत्रातील उपक्रम (PSU), भारत सरकारच्या नवरत्न कंपन्यांपैकी एक असलेल्या एनएलसी इंडिया लिमिटेड (NLC India Limited) मध्ये औद्योगिक प्रशिक्षणार्थी (वित्त) पदांच्या भरतीसाठी जाहिरात प्रसिद्ध केली आहे. पदभरतीच्या जाहिरातीनुसार एनएलसी कार्यालयात आणि विविध प्रोजेक्टमध्ये औद्योगिक प्रशिक्षणार्थी (वित्त) च्या एकूण ५६ रिक्त पदांसाठी अर्ज मागविण्यात आले आहेत. पदाचा कालावधी एनएलसी इंडिया लिमिटेड मधील औद्योगिक प्रशिक्षणार्थी (वित्त) पदांसाठी ही भरती केवळ एका वर्षासाठी आहे याची उमेदवारांनी नोंद घ्यावी. निवडलेल्या उमेदवारांनी प्रशिक्षणात सहभागी झाल्यापासून हा कालावधी लागू होईल. प्रशिक्षणादरम्यान उमेदवारांना प्रति महिना २२ हजार रुपये मानधन दिले जाईल. पात्रता एनएलसी इंडिया लिमिटेडमध्ये औद्योगिक प्रशिक्षणार्थी (वित्त) पदांसाठी अर्ज करण्यास पात्रता निकष जाहीर करण्यात आले आहेत. त्यानुसार उमेदवारांकडे २०२०-२१ वर्षामध्ये ICAI द्वारे आयोजित चार्टर्ड अकाउंटंट (CA) ची इंटरमीडिएट परीक्षा किंवा ICMAI कॉस्ट अँड मॅनेजमेंट अकाउंटंट (CMA) ची इंटरमीडिएट परीक्षा उत्तीर्ण असणे आवश्यक आहे. उमेदवारांचे वय २८ वर्षांपेक्षा जास्त नसावे. तसेच राखीव प्रवर्गातील उमेदवारांसाठी उच्च वयोमर्यादेत शिथिलता देण्यात आली आहे. याप्रमाणे करा अर्ज या पदासाठी इच्छुक आणि पात्र उमेदवारांनी एनएलसी इंडिया लिमिटेडच्या अधिकृत वेबसाइट web.nlcindia.in वर जा. होमपेज देण्यात आलेल्या लिंकद्वारे ऑनलाइन अर्ज करा. अर्ज प्रक्रिया १ नोव्हेंबर २०२१ पासून सुरू झाली आहे. २२ नोव्हेंबर ही अर्ज करण्याची शेवटची तारीख आहे. IBPS तर्फे ४१३५ पीओ पदांची भरती आयबीपीएस पीओ भरती परीक्षेचे प्रवेशपत्र प्रसिद्ध झाले आहे. इंस्टिट्यूट ऑफ बॅंकिंग पर्सनलने ( Institute of Banking Personnel Selection, IBPO) आपल्या अधिकृत वेबसाइट ibps.in वर प्रोबेशनरी ऑफिसर परीक्षेसाठी प्रवेशपत्र जाहीर केले आहे. या परीक्षेला बसलेले उमेदवार अधिकृत वेबसाइटवरुन प्रवेशपत्र डाऊनलोड करु शकतात. प्रवेशपत्र डाऊनलोड करण्यासाठी उमेदवारांना त्यांचा नोंदणी क्रमांक आणि पासवर्ड आवश्यक असणार आहे. पुढे देण्यात आलेल्या स्टेप्स डाऊनलोड करुन सोप्या पद्धतीने उमेदवारांना प्रवेशपत्र डाऊनलोड करता येणार आहे. IBPS PO Admit Card 2021: असे करा डाऊनलोड IBPS PO पूर्व परीक्षेचे प्रवेशपत्र डाउनलोड करण्यासाठी सर्वप्रथम IBPS च्या अधिकृत वेबसाइट ibps.in वर जा. होमपेजवर 'पीओ/एमटीएससाठी ऑनलाइन पूर्व परीक्षेचे प्रवेशपत्र डाउनलोड करण्यासाठी येथे क्लिक करा' असे लिहिलेल्या लिंकवर क्लिक करा. तुमचा रजिस्ट्रेशन नंबर/रोल नंबर आणि पासवर्ड टाकून लॉगिनवर क्लिक करा. तुमचे IBPS PO प्रवेशपत्र २०२१ तुमच्या स्क्रीनवर दिसेल. प्रवेशपत्र डाऊनलोड करा आणि भविष्यातील उपयोगासाठी प्रिंट घ्या. या भरती प्रक्रियेद्वारे एकूण ४१३५ पदांची भरती केली जाणार आहे. प्रवेशपत्र अधिकृत वेबसाइटवर ११ डिसेंबर २०२१ पर्यंत उपलब्ध असेल. त्यानंतर पोर्टलवरून लिंक काढून टाकली जाईल.
from Career News in Marathi: Career News, मराठी Career बातम्या | Maharashtra Times https://ift.tt/3cyJz9J
via nmkadda
