TICKER

6/recent/my%20zone

Header Ads Widget

Responsive Advertisement

ICAR Result: रँक लिस्ट आणि काऊन्सेलिंग वेळापत्रकाबद्दल महत्वाची अपडेट Rojgar News

2021: नॅशनल टेस्टिंग एजन्सी (NTA) ने भारतीय कृषी संशोधन परिषदेच्या (ICAR)पदवीपूर्व (UG) आणि पदव्युत्तर (PG) आणि रिसर्च अभ्यासक्रमांच्या प्रवेशासाठी घेतलेल्या परीक्षांचा निकाल २४ ऑक्टोबरला जाहीर केला. पण एजन्सीतर्फे अद्याप आणि जाहीर करण्यात आले नाही. विविध मीडिया रिपोर्ट्सनुसार, आयसीएआर यूजी, पीजी आणि पीएचडी प्रवेशांसाठी रँक लिस्टसह काऊन्सेलिंग वेळापत्रक १७ नोव्हेंबर २०२१ रोजी प्रसिद्ध केले जाण्याची शक्यता आहे. यानंतर तिन्ही स्तरांसाठी घेण्यात आलेल्या 'ऑल इंडिया एन्ट्रन्स एक्झामिनेशन फॉर अॅडमिशन (AIEEA)' मध्ये उत्तीर्ण उमेदवार त्यांची रँक तपासू शकतात. तसेच आयसीएआरची वेबसाइट nta.ac.in वर काऊन्सेलिंगचे वेळापत्रक तपासू शकतात. नॅशनल टेस्टिंग एजन्सीतर्फे(NTA)७,८,९ आणि १७ सप्टेंबर २०२१ रोजी आयसीएआरच्या अंडरग्रेजुएट (UG) आणि पोस्ट ग्रॅज्युएट (PG) आणि संशोधन अभ्यासक्रमांच्या प्रवेशासाठी प्रवेश परीक्षा घेण्यात आल्या. प्रवेश परीक्षेतील कामगिरीच्या आधारे तयार केलेल्या रँक यादीनुसार, उमेदवारांना त्यांच्या संबंधित अभ्यासक्रमात आणि विद्यापीठात किंवा संस्थेत प्रवेश दिला जाईल. तसेच एका रँकसाठी एकापेक्षा जास्त उमेदवार असल्यास, पात्रता चाचणीचे गुण आणि उमेदवाराचे वय लक्षात घेऊन आयसीएआरने दिलेल्या सूत्राचे पालन केले जाणार आहे. याआधी ICAR काऊन्सेलिंगची प्रक्रिया १७ नोव्हेंबर २०२१ पासून सुरू होणार होती. मात्र याबाबत अद्याप कोणतीही अधिकृत माहिती जाहीर करण्यात आलेली नाही. उमेदवारांनी परीक्षा पोर्टल तसेच ICAR वेबसाइट, icar.org.in वर लक्ष ठेवण्याचा सल्ला देण्यात आला आहे.


from Career News in Marathi: Career News, मराठी Career बातम्या | Maharashtra Times https://ift.tt/30x2Ups
via nmkadda

टिप्पणी पोस्ट करा

0 टिप्पण्या