TICKER

6/recent/my%20zone

Header Ads Widget

Responsive Advertisement

Maharashtra NTSE 2022: राष्ट्रीय प्रज्ञाशोध परीक्षा १६ जानेवारीला Rojgar News

म. टा. प्रतिनिधी, पुणे 'महाराष्ट्र राज्य परीक्षा परिषदे'तर्फे घेण्यात येणारी (Maharashtra 2022) राज्यस्तरीय राष्ट्रीय प्रज्ञा शोध (, NTSE) परीक्षा १६ जानेवारीला होणार आहे. प्रज्ञावंत विद्यार्थ्यांचा शोध घेऊन त्यांना अधिकाधिक विद्यार्जनासाठी प्रोत्साहित करणे हे योजनेचे उद्दिष्ट आहे. इयत्ता दहावीत शिकत असलेल्या विद्यार्थ्यांना ऑनलाइन पद्धतीने अर्ज करता येतील. परीक्षेसाठीचे वेळापत्रक परीक्षा परिषदेने सोमवारी जाहीर केले आहे. परीक्षेसाठी नियमित शुल्कासह १६ ते ३० नोव्हेंबरपर्यंत अर्ज करता येतील. विलंब शुल्कासह एक ते सात डिसेंबर दरम्यान आणि अतिविलंब शुल्कासह; तसेच शाळा, संस्था जबाबदार असल्यास अतिविलंब शुल्कासह आठ ते १३ डिसेंबर या कालावधीत विद्यार्थी अर्ज करू शकतील. त्यानंतर 'एनटीएस' द्वितीय स्तरावरील परीक्षा पुढीलवर्षी १२ जूनला होईल, अशी माहिती परिषदेचे आयुक्त तुकाराम सुपे यांनी दिली. राष्ट्रीय परीक्षेतून देशभरातील दोन हजार प्रज्ञावंत विद्यार्थ्यांची निवड केली जाते. त्यांना दरमहा शिष्यवृत्तीच्या स्वरुपात आर्थिक मदत करण्यात येते. मूलभूत विज्ञान, सामाजिक शास्त्र आणि वाणिज्य शाखांमध्ये पीएचडी पदवी प्राप्त होईपर्यंत विद्यार्थ्यांना दरमहा शिष्यवृत्ती दिली जाते. मात्र, इंजिनीअरिंग, वैद्यकीय, व्यवस्थापन आणि विधी या विद्याशाखांमधील व्यावसायिक अभ्यासक्रमासाठी शिष्यवृत्ती पदव्युत्तर पदवीपर्यंत दिली जाते, असेही परीक्षा परिषदेने स्पष्ट केले आहे. अधिक माहिती परिषदेच्या वेबसाइटवर उपलब्ध आहे.


from Career News in Marathi: Career News, मराठी Career बातम्या | Maharashtra Times https://ift.tt/30tqfIC
via nmkadda

टिप्पणी पोस्ट करा

0 टिप्पण्या