Advertisement
SSC Exam 2021: कमिशनतर्फे कॉन्स्टेबल भरती परीक्षा २०२१ () १६ नोव्हेंबरपासून सुरु झाली आहे. ही परीक्षा देशभरातील विविध केंद्रांवर CBT पद्धतीने घेतली जात आहे. या परीक्षेच्या माध्यमातून २५ हजार २७१ पदांची भरती केली जाणार आहे. आयोगाने उमेदवारांसाठी मार्गदर्शक तत्त्वेही जाहीर केली आहेत. सर्व उमेदवारांना याचे पालन करणे बंधनकारक आहे. ही परीक्षा करोना प्रोटोकॉलचे पालन करुन घेतली जात आहे. उमेदवारांनी परीक्षा केंद्रावर ३० मिनिटे आधी पोहोचणे आवश्यक आहे. सर्व उमेदवारांना मास्क घालून केंद्रावर येणे बंधनकारक आहे. मास्क नसेल तर उमेदवारांना केंद्रात प्रवेश दिला जाणार नाही. उमेदवार त्यांच्यासोबत पारदर्शक पाण्याची बाटली आणि सॅनिटायझर केंद्रावर घेऊन जाऊ शकतात. तसेच उमेदवारांना केंद्रावर प्रवेशपत्रासह फोटो असलेले अधिकृत ओळखपत्र देखील सोबत आणावे लागेल. रिक्त जागांचा तपशील या रिक्त पदासाठी जाहीर केलेल्या नोटीसनुसार एकूण २५ हजार २७१ पदांची भरती केली जाणार आहे. त्यामध्ये पुरुष हवालदार पदाच्या २२,४२४ तर महिला हवालदाराची २८४७ पदे भरली जाणार आहेत. बीएसएफमध्ये ७५४५, सीआयएसएफमध्ये ८४६४, एसएसबीमध्ये ३८०६, आयटीबीपीमध्ये १४३१, एआरमध्ये ३७८५ आणि एसएसएफमध्ये २४० जागा रिक्त आहेत. CRPF आणि NIA मध्ये एकही जागा रिक्त नाही. स्टाफ सिलेक्शन कमिशनद्वारे कॉन्स्टेबल (जीडी) परीक्षेचे आयोजन १६ नोव्हेंबर २०२१ पासून केले जाणार आहे. ही परीक्षा १५ डिसेंबर २०२१ पर्यंत वेगवेगळ्या नियोजित तारखांवर घेतली जाणार आहे. एसएससी जीडी कॉन्स्टेबल परीक्षा २०२१ ऑनलाइन सीबीटी (कॉम्प्युटर आधारित परीक्षा) माध्यमातून घेतली जाणार आहे. अशी होईल निवड सर्व प्रथम लेखी परीक्षा (कॉम्प्युटर आधारित) होईल. उत्तीर्ण उमेदवारांना फिजिकल फिटनेस टेस्ट (PET) आणि फिजिकल मेजरमेंट टेस्ट (PST) साठी बोलावले जाईल. लेखी परीक्षेत जनरल इंटेलिजन्स आणि रिजनिंग, जनरल नॉलेज आणि आणि जनरल अवेअरनेस, इलिमेंट्री मॅथ्स आणि इंग्रजी/हिंदी विषयांशी संबंधित प्रश्न विचारले जातील. चारही विभागातून २५-२५ प्रश्न विचारले जातील. सर्व विभाग प्रत्येकी २५ गुणांचे असतील. पेपरचा कालावधी ९० मिनिटांचा असेल. तसेच प्रत्येक चुकीच्या उत्तरासाठी एक चतुर्थांश गुण वजा केला जाईल.
from Career News in Marathi: Career News, मराठी Career बातम्या | Maharashtra Times https://ift.tt/3Cpuphf
via nmkadda