NEP 2020: व्यावसायिक अभ्यासक्रम लवकरच स्थानिक भाषांमध्ये- धर्मेंद्र प्रधान Rojgar News

NEP 2020: व्यावसायिक अभ्यासक्रम लवकरच स्थानिक भाषांमध्ये- धर्मेंद्र प्रधान Rojgar News

2020: व्यावसायिक अभ्यासक्रमात प्रवेश घेणाऱ्या विद्यार्थ्यांसाठी आनंदाची बातमी आहे. कारण आता हे विद्यार्थ्यांना त्यांच्या स्थानिक भाषेमध्ये पूर्ण करता येणार आहेत. केंद्रीय शिक्षणमंत्री धर्मेंद्र प्रधान यांनी यासंदर्भात माहिती दिली. धर्मेंद्र प्रधान यांनी नुकतीच नवीन राष्ट्रीय शैक्षणिक धोरणाच्या अंमलबजावणीबाबत शिक्षण मंत्रालयाच्या वरिष्ठ अधिकाऱ्यांसोबत आढावा बैठक घेतली. बैठकीदरम्यान, केंद्रीय मंत्र्यांनी व्यावसायिक शिक्षणामध्ये स्थानिक भाषांचे एकत्रीकरण आणि स्थानिक भाषांमध्ये व्यावसायिक शिक्षणावर भर दिला. प्रधान यांनी ट्विट करुन यासंदर्भात माहिती दिली. यावेळी केंद्रीय शिक्षणमंत्र्यांनी स्थानिक भाषांमध्ये व्यावसायिक शिक्षण देण्याच्या टास्क फोर्सच्या अहवालाचे पुनरावलोकन केले. भविष्यात आम्ही #NEP2020 च्या अनुषंगाने व्यावसायिक शिक्षणामध्ये स्थानिक भाषेमध्ये आणू असे ते यावेळी म्हणाले. राष्ट्रीय शैक्षणिक धोरण २०२० हे २१ व्या शतकातील भारताची पायाभरणी करेल असा विश्वास त्यांनी यावेळी व्यक्त केला. केंद्रीय शिक्षण राज्यमंत्री डॉ. सुभाष सरकार आणि केंद्रीय शिक्षण मंत्रालयाच्या अधिकाऱ्यांसोबत राष्ट्रीय शैक्षणिक धोरणाच्या अंमलबजावणीच्या स्थितीचा आढावा घेतल्याची माहिती धर्मेंद्र प्रधान यांनी दिली. नवीन शैक्षणिक धोरणाशी संबंधित अनेक उपक्रम याआधीच सुरू करण्यात आले आहेत. ज्यात अनेकांचा समावेश आहे. याच्या जलद अंमलबजावणी बाबत यावेळी चर्चा झाल्याचे ते म्हणाले. 'भविष्याचा वेध, स्थानिक प्रतिबद्धता आणि जागतिक दृष्टीकोन यासह आम्ही राष्ट्रीय शैक्षणिक धोरणाचा दृष्टीकोन प्रत्यक्षात आणण्यासाठी आणि अधिकाधिक तंत्र विकसित करण्याच्या दिशेने काम करत असल्याचे प्रधान यावेळी म्हणाले. या वर्षी, इंजिनीअरिंग प्रवेश परीक्षा जेईई मेन २०२१ ही १३ स्थानिक भाषांमध्ये घेण्यात आली होती. ज्यात आसामी, बंगाली, गुजराती, हिंदी, कन्नड, मराठी, मल्याळम, ओडिया, पंजाबी, तमिळ आणि तेलगू यांचा समावेश आहे. तर वैद्यकीय प्रवेश परीक्षा नीट ही ११ स्थानिक भाषांमध्ये आयोजित करण्यात आली होती. यामध्ये आसामी, बंगाली, गुजराती, कन्नड, मल्याळम, मराठी, उडिया, पंजाबी, तमिळ, तेलगू आणि उर्दू या भाषांचा समावेश आहे.


from Career News in Marathi: Career News, मराठी Career बातम्या | Maharashtra Times https://ift.tt/3FpyTXq
via nmkadda

0 Response to "NEP 2020: व्यावसायिक अभ्यासक्रम लवकरच स्थानिक भाषांमध्ये- धर्मेंद्र प्रधान Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel