'नॅस'साठी वर्गात उपस्थिती आवश्यक; शाळांमध्ये चाचणी शुक्रवारी Rojgar News

'नॅस'साठी वर्गात उपस्थिती आवश्यक; शाळांमध्ये चाचणी शुक्रवारी Rojgar News

म. टा. प्रतिनिधी, पुणे राज्यातील सात हजार ३३० शाळांतील 'राष्ट्रीय संपादणूक सर्वेक्षणा'अंतर्गत (नॅशनल अचिव्हमेंट सर्व्हे ) चाचणी उद्या, शुक्रवारी (१२ नोव्हेंबर) घेण्यात येणार आहे. या चाचणीसाठी निवडलेल्या शाळांमधील तिसरी, पाचवी, आठवी आणि दहावीच्या दोन लाख ३४ हजार ५५ विद्यार्थ्यांना शाळांमध्ये उपस्थित राहावे लागणार आहे. चाचणीच्या दिवशी विद्यार्थी आणि शिक्षकांची उपस्थिती १०० टक्के राहावी, याची दक्षता घेण्याच्या सूचना दिल्या आहेत. 'राष्ट्रीय संपादणूक सर्वेक्षणा'च्या अनुषंगाने राज्य शैक्षणिक संशोधन आणि प्रशिक्षण परिषदेने (SCERT) शाळांना परिपत्रकाद्वारे सूचना दिल्या आहेत. या सर्वेक्षणासाठी जिल्हाधिकारी स्वतंत्र निरीक्षक म्हणून काम करणार आहेत. या पूर्वी २०१७-१८ मध्ये तिसरी, पाचवी, आठवी आणि दहावीच्या विद्यार्थ्यांचे सर्वेक्षण करण्यात आले होते. सर्वेक्षणासाठी राज्यातील सर्व जिल्ह्यांतील शासकीय,मखासगी, अनुदानित, स्वयं अर्थसहाय्यित मिळून तिसरीच्या एक हजार ६३१, पाचवीच्या एक हजार ५५९, आठवीच्या दोन हजार ६४१ आणि दहावीच्या दोन हजार ८०१ शाळांचा समावेश आहे. तिसरी आणि पाचवीच्या चाचणीमध्ये भाषा, गणित, परिसर अभ्यास या विषयांच्या चार प्रश्नसंचात प्रत्येकी ४७ प्रश्न असतील. आठवीच्या चाचणीत ६० आणि दहावीच्या चाचणीत ७० प्रश्न राहणार आहेत. पुणे जिल्ह्यात २३४ शाळांमध्ये हे सर्वेक्षण होणार असून, त्यासाठी तिसरीचे (१३९०), पाचवीचे (१३४१), आठवीचे (२३०७) आणि दहावीचे (२७६१) विद्यार्थी निवडण्यात आले आहेत. तिसरीच्या विद्यार्थ्यांना 'ओएमआर' पद्धतीची सवय नसल्याने, त्याचे 'ओएमआर शीट' क्षेत्रीय अन्वेषक भरून देतील, अशी माहिती 'एससीईआरटी'कडून देण्यात आली आहे. 'नॅस'बाबत महत्त्वाच्या सूचना - सर्वेक्षणाची पूर्वतयारी म्हणून आज, गुरुवारी विद्यार्थी, शिक्षकांना उपस्थित राहावे लागेल. - सर्वेक्षणासाठी निवडलेल्या शाळा १२ नोव्हेंबरला सकाळी साडेसात वाजता सुरू कराव्यात. - या दिवशी शाळेत स्नेहसंमेलन, क्रीडा दिन, सांस्कृतिक कार्यक्रमांसारखे कोणतेही कार्यक्रम करू नयेत. - एका बाकावर एक विद्यार्थी बसवावा, बाके उपलब्ध नसल्यास स्वच्छ चटई वापरून पुरेसे अंतर राखण्यात यावे. - चाचणीसाठी निवडलेल्या शाळेचे, माध्यम आणि इयत्तानिहाय वर्गाच्या एकापेक्षा जास्त तुकड्या असल्यास सर्व तुकड्यांमधील विद्यार्थी उपस्थित राहतील. - या विद्यार्थ्यांतून एक तुकडी क्षेत्रित अन्वेषकांमार्फत निवडली जाईल. - संपादणूक चाचणी सोडवण्यासाठी तिसरी ते पाचवीच्या विद्यार्थ्यांसाठी साडेदहा ते बारा, पाचवी ते आठवीच्या विद्यार्थ्यांसाठी साडेदहा ते साडेबारा अशी वेळ देण्यात आली आहे. - सर्वेक्षणातील शाळांतील माध्यमनिहाय, इयत्तानिहाय शिकवणाऱ्या सर्व विषयांच्या शिक्षकांची शाळेत उपस्थिती आवश्यक आहे. 'नॅस' म्हणजे काय? देशातील शालेय विद्यार्थ्यांच्या अध्ययन निष्पत्तीतील संपादणुकीचे मूल्यांकन करणे; तसेच देशातील शिक्षण प्रक्रियेच्या आरोग्याचे मूल्यांकन करण्यासाठी राष्ट्रीय संपादणूक सर्वेक्षण करण्यात येते. जिल्हा, राज्य आणि राष्ट्रीय अशा तीन पातळ्यांवर ही सर्वेक्षण चाचणी घेतली जाते. सर्वेक्षणातील शाळा 'रँडम सॅम्पलिंग' पद्धतीने निवडण्यात आल्या आहेत. हे सर्वेक्षण देशभरात एकाच दिवशी होणार आहे. यापूर्वी हे सर्वेक्षण २०१७-१८ या शैक्षणिक वर्षात झाले होते.


from Career News in Marathi: Career News, मराठी Career बातम्या | Maharashtra Times https://ift.tt/3F7p1kU
via nmkadda

0 Response to "'नॅस'साठी वर्गात उपस्थिती आवश्यक; शाळांमध्ये चाचणी शुक्रवारी Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel