TICKER

6/recent/my%20zone

Header Ads Widget

Responsive Advertisement

एमबीए अभ्यासक्रमाच्या प्रवेशांची नोंदणी २० नोव्हेंबरपर्यंत Rojgar News

म. टा. प्रतिनिधी, पुणे राज्य सामाईक प्रवेश परीक्षा कक्षाद्वारे (CET Cell) अभ्यासक्रमाला () प्रवेश घेण्यासाठी ऑनलाइन प्रवेश प्रक्रिया सुरू करण्यात आली असून, त्यानुसार विद्यार्थ्यांना येत्या २० नोव्हेंबरपर्यंत नोंदणी करायची आहे. प्रवेशाची प्राथमिक गुणवत्ता यादी २२ नोव्हेंबरला प्रसिद्ध करण्यात येईल, अशी माहिती सीईटी सेलकडून देण्यात आली. सीईटी सेलने प्रसिद्ध केलेल्या वेळापत्रकानुसार विद्यार्थ्यांना २० नोव्हेंबरपर्यंत ऑनलाइन पद्धतीने नोंदणी आणि कागदपत्रे अपलोड करायची आहेत. त्यानंतर २१ नोव्हेंबपर्यंत कागदपत्रांची पडताळणी होईल आणि अर्जांचे कन्फर्मेशन करण्यात येईल. अर्ज केलेल्या विद्यार्थ्यांची प्राथमिक गुणवत्ता यादी २२ नोव्हेंबरला प्रसिद्ध होणार आहे. या यादीबाबत आक्षेप असल्यास ते २३ ते २५ नोव्हेंबर या कालावधीत नोंदविण्यात येऊ शकतात. त्यानंतर २६ नोव्हेंबरला अंतिम गुणवत्ता यादी प्रकाशित करण्यात येईल. विद्यार्थ्यांना पहिल्या फेरीसाठी २७ ते २९ नोव्हेंबर या कालावधीत कॉलेजांचे पर्याय भरायचे आहेत. त्यानंतर दोन डिसेंबरला कॉलेजांची अॅलॉटमेंट जाहीर झाल्यानंतर विद्यार्थ्यांना तीन ते पाच डिसेंबर या कालावधीत प्रवेश निश्चित करून कॉलेजांमध्ये प्रत्यक्ष जाऊन प्रवेश घ्यायचे आहे. दुसऱ्या फेरीला सहा डिसेंबरपासून सुरुवात होईल, अशी माहिती सीईटी सेलकडून देण्यात आली आहे. याबाबतची अधिक माहिती सीईटी सेलच्या https://ift.tt/2Jmyl94 या वेबसाइटवर उपलब्ध आहे. एमसीए प्रवेश प्रक्रिया सुरू सीईटी सेलकडून एमसीए अभ्यासक्रमाला प्रवेश घेण्यासाठीची प्रवेश प्रक्रिया सुरू झाली असून, २० नोव्हेंबरपर्यंत ऑनलाइन पद्धतीने नोंदणी आणि कागदपत्रे अपलोड करायची आहे. कागदपत्रांची पडताळणी २१ नोव्हेंबरपर्यंत करून अर्जाची निश्चिती करायची आहे. प्राथमिक गुणवत्तायादी २३ नोव्हेंबरला प्रसिद्ध होईल. या यादीबाबत २४ आणि २५ नोव्हेंबरला आक्षेप नोंदवता येतील. त्यानंतर २६ नोव्हेंबरला अंतिम गुणवत्ता यादी प्रसिद्ध होईल. विद्यार्थ्यांना २७ ते २९ नोव्हेंबर दरम्यान कॉलेजांचे पर्याय भरायचे असून, एक डिसेंबरला अॅलॉटमेंट जाहीर होईल. त्यानंतर विद्यार्थ्यांना दोन ते पाच डिसेंबर या कालावधीत प्रवेश निश्चिती आणि प्रवेश घ्यायचे आहेत, असे सीईटी सेलने सांगितले.


from Career News in Marathi: Career News, मराठी Career बातम्या | Maharashtra Times https://ift.tt/3HoBx1d
via nmkadda

टिप्पणी पोस्ट करा

0 टिप्पण्या