.webp)
Advertisement
म. टा. प्रतिनिधी, पुणे: अखिल भारतीय तंत्रशिक्षण परिषदेकडून () विद्यार्थ्यांसाठी देण्यात येणाऱ्या शिष्यवृत्तीला अडथळे निर्माण झाले आहेत. ज्या विद्यार्थ्यांना ही फेलोशिप मिळाली आहे आणि ज्यांनी शिक्षण अर्धवट सोडले आहे, अशा विद्यार्थ्यांची माहिती अपडेट केली जात नसल्याने पुढील विद्यार्थ्यांना फेलोशिप मिळवण्यास अडचणी येत असल्याचे ‘एआयसीटीई’कडून स्पष्ट करण्यात आले आहे. तंत्रशिक्षणात पदव्युत्तर शिक्षण घेणाऱ्या विद्यार्थ्यांना ‘एआयसीटीई’कडून दिली जाते. विद्यार्थ्यांचे पदव्युत्तर शिक्षण पूर्ण होत नाही, तोपर्यंत ही शिष्यवृत्ती सुरू असते. परंतु, अनेकदा विद्यार्थी मधूनच शिक्षण सोडून देतात. शिष्यवृत्तीच्या नियमानुसार विद्यार्थ्यांनी शिक्षण सोडल्यानंतर त्यांना शिष्यवृत्ती दिली जात नाही. विद्यार्थ्याच्या शैक्षणिक सद्यस्थितीची माहिती तो शिकत असलेल्या संबंधित महाविद्यालयाने देणे गरजेचे आहे. परंतु, ही महाविद्यालये माहिती अपडेट करत नसल्याने अनेक अडथळे निर्माण होत असल्याचे ‘एआयसीटीई’कडून स्पष्ट करण्यात आले आहे. महाविद्यालयांनी तातडीने शिष्यवृत्ती घेतलेल्या; पण शिक्षण सोडलेल्या विद्यार्थ्यांची माहिती ‘एआयसीटीई’कडे सुपूर्द करावी, अशा सूचना ‘एआयसीटीई’कडून देण्यात आल्या आहेत. ‘एआयसीटीई’च्या पीजी पोर्टलवर ही माहिती तातडीने अपलोड करावी, असे ‘एआयसीटीई’अंतर्गत येणारी महाविद्यालये आणि विद्यापीठांना सांगण्यात आले आहे. महाविद्यालयांना त्यांच्या महाविद्यालयात पदव्युत्तर पदवीचे शिक्षण घेत असलेल्या शिष्यवृत्तीधारक विद्यार्थ्यांची संख्या, त्यातील शिक्षण घेत असलेले विद्यार्थी आणि शिक्षण सोडलेले विद्यार्थी यांची माहिती देणे अपेक्षित आहे. ही माहिती अपलोड केल्यानंतर ‘एआयसीटीई’कडून पुढील कार्यवाही करण्यात येणार असून, शिष्यवृत्तीची प्रक्रिया सुरळीत केली जाईल, असे स्पष्ट करण्यात आले आहे.
from Career News in Marathi: Career News, मराठी Career बातम्या | Maharashtra Times https://ift.tt/3CHyGxM
via nmkadda
