TICKER

6/recent/my%20zone

Header Ads Widget

Responsive Advertisement

वैद्यकीय कॉलेजांत सुरक्षायंत्रणा सक्षम करा: अमित देशमुख Rojgar News

म. टा. खास प्रतिनिधी, मुंबई राज्यातील सर्व शासकीय कॉलेजांच्या परिसरात सुरक्षायंत्रणा अधिक सक्षम करण्याची सूचना वैद्यकीय शिक्षणमंत्री यांनी सोमवारी केली. यासाठी कॉलेजांमधील सीसीटीव्ही यंत्रेणवर भर देण्याचे सांगून, संबंधित कॉलेजांच्या अधिष्ठांतामार्फत योग्य ती कार्यवाही करण्याचे निर्देश त्यांनी यावेळी दिले. यवतमाळ येथील शासकीय वैद्यकीय कॉलेजात विद्यार्थ्यांवर झालेल्या हल्ल्याच्या पार्श्वभूमीवर देशमुख यांनी मंत्रालयात विशेष बैठक आयोजित केली होती. यात त्यांनी वरील सूचना केली. या बैठकीत शासकीय वैद्यकीय कॉलेज व अतिविशेषोपचार रुग्णालय स्थापन करण्यासाठी सार्वजनिक खासगी भागीदारीसंदर्भात (पीपीपी) चर्चा करण्यात आली. काही जिल्ह्यांतील शासकीय वैद्यकीय कॉलेज पीपीपी तत्त्वानुसार बांधण्याचे प्रस्तावित असल्याने संचालनालयाने संबंधित जिल्ह्यांचा आढावा अहवाल सादर करावा. यात वैद्यकीय कॉलेज उभारणीसाठी लागणाऱ्या मनुष्यबळासह साधनसामुग्रीबाबतही माहिती द्यावी. राज्यात शासकीय वैद्यकीय कॉलेज उभारत असताना यासाठी पदनिर्मितीही करावी लागणार असल्याने याबाबतही येत्या १५ दिवसांमध्ये अहवाल सादर करावा, अशा सूचना त्यांनी दिल्या. या बैठकीला वैद्यकीय शिक्षण सचिव सौरभ विजय, वैद्यकीय शिक्षण आयुक्त वीरेंद्र सिंह, वैद्यकीय शिक्षण संचालक डॉ. दिलीप म्हैसेकर, नोडल ऑफिसर डॉ. संजय बिजवे यांच्यासह संबंधित अधिकारी उपस्थित होते. 'वैद्यकीय क्षेत्रात बदल आवश्यक' मुंबई राज्यात करोनामुळे वैद्यकीय क्षेत्रात व्यापक बदल आवश्यक असून, त्यानुसार महाराष्ट्र आरोग्य विज्ञान विद्यापीठाने या क्षेत्रासाठी अत्यावश्यक असणारे नावीन्यपूर्ण अभ्यासक्रम सुरू करावेत, अशी सूचना अमित देशमुख यांनी केली. महाराष्ट्र आरोग्य विज्ञान विद्यापीठाच्या कुलगुरू लेफ्टनंट जनरल डॉ. माधुरी कानिटकर यांनी मंत्रालयात देशमुख यांची भेट घेतली. यावेळी त्यांनी वरील सूचना केली. या भेटीदरम्यान डॉ. कानिटकर यांनी येत्या काळात विद्यापीठामार्फत राबविण्यात येणारे वेगवेगळे प्रकल्प, उपक्रम व करोनानंतर वैद्यकीय क्षेत्रासाठी आवश्यक असणारे अभ्यासक्रम यासंदर्भात चर्चा केली. लवकरच विद्यापीठामार्फत भविष्यकालीन आराखडा सादर करण्यात येईल, असेही त्यांनी सांगितले.


from Career News in Marathi: Career News, मराठी Career बातम्या | Maharashtra Times https://ift.tt/3CfNEK9
via nmkadda

टिप्पणी पोस्ट करा

0 टिप्पण्या