Advertisement
मुंबई विद्यापीठातर्फे () येत्या शैक्षणिक वर्षात विविध नाविण्यपूर्ण अभ्यासक्रमांना (Innovative Courses) सुरुवात केली जाणार आहे. त्याचबरोबर अनेक उद्योन्मुख, आंतरविद्याशाखीय आणि ट्रांसडिसिप्लनरी संशोधनाला प्रोत्साहन दिले जाणार आहे. नुकत्याच पार पडलेल्या विद्या परिषदेत याबाबत ठराव मंजूर करण्यात आला आहे. विशेष म्हणजे भविष्यकालीन शिक्षण, चौथी औद्योगिक क्रांती आणि नविन राष्ट्रीय शैक्षणिक धोरणाशी सांगड घालण्यासाठी विद्यापीठाने महत्वाचे पाऊल उचलले आहे. प्रगत संशोधन आणि अभ्यासासाठी विद्यापीठात लवकरच ‘एमयु एक्सलेटर सेंटर’ची स्थापना केली जाणार आहे. आंतरविद्याशाखीय आणि बहुविद्याशाखीय संशोधनाच्या क्षेत्रात या केंद्राची भूमिका अधोरेखित होणार आहे. या केंद्राच्या माध्यमातून अत्यंत प्राचीन संस्कृती, मानवनिर्मित साहित्य, पुरातन काळातील अनेक बाबींबरोबरच बायोमेडिकल आणि अणूऊर्जेच्या संशोधनात महत्वाची भूमिका बजावणार आहे. भूगर्भशास्त्र, वनस्पती, भौतिकशास्त्र, रसायनशास्त्राबरोबरच इतिहासावर देशातील विविध भागांमध्ये परिमाणवाचक अभ्यासासाठी आणि शास्त्रोक्त संशोधनासाठी या केंद्राची भूमिका महत्वाची ठरणार आहे. या केंद्राच्या सुविधेचा लाभ फक्त मुंबई विद्यापीठापुरताच मर्यादित न ठेवता या सुविधेचा लाभ सर्व विद्यार्थी, संशोधक आणि शास्त्रज्ञांना उपलब्ध होऊ शकेल याचे नियोजन विद्यापीठामार्फत केले जाणार आहे. क्रीडा शास्रातील शास्त्रोक्त अध्ययन आणि व्यवस्थापनाचे धडे गिरविण्यासाठी विद्यापीठातर्फे सेंटर ऑफ एक्सलेंस इन स्पोर्ट्स सायन्स अँड स्पोर्ट्स मॅनेजमेट या केंद्राअंतर्गत बीकॉम/बीबीए/ बीएमएस इन मॅनेजमेंट अँड स्पोर्ट्स अॅडमिनिस्ट्रेशन, बीकॉम/बीबीए/ बीएमएस इन हॉस्पीटॅलिटी मॅनेजमेंट अँड स्पोर्ट्स स्टडीज, बीकॉम/बीबीए/ बीएमएस इन स्पोर्ट्स मॅनेजमेंट, बीएस्सी इन आर्टिफिशिअल इंटेलिजंस अँड स्पोर्ट्स अनॅलिटिक्स, बीएस्सी इन डेटा सायन्स अँड स्पोर्ट्स स्टडीज या नविन अभ्यासक्रमांना सुरुवात होणार आहे. याचबरोबर ट्रांस डिसिप्लनरी संशोधनाला प्रोत्साहन देण्यासाठी आणि आगामी कार्याक्षेत्रांमध्ये संशोधन करण्यासाठी विद्यापीठाने स्थापन केलेल्या विविध केंद्रात पीएचडी अभ्यासक्रमांना सुरुवात होणार आहे. यामध्ये सेंटर फॉर एक्सलेंस इन बेसिक सायन्स, सेंटर फॉर एक्सलेंस इन थेअरॉटिकल अँड कम्प्युटेशनल सायन्सेस, एनर्जी स्टडीज, मॅरिटाईम स्टडीज, स्कूल ऑफ इंटरनॅशनल रिलेशन्स अँड स्ट्रॅटजिक स्टडीज, सेंटर फॉर हिंदू फिलॉसॉफिकल स्टडीज, सेंटर ऑफ एक्सलेंस इन स्पोर्ट्स सायन्स अँड स्पोर्ट्स मॅनेजमेट, एक्सट्रा म्यूरल स्टडीज, प्रो. बाळ आपटे सेंटर फॉर स्टडीज इन स्टूडंट अँड यूथ मुव्हमेंट, लोकमान्य टिळक अध्यासन केंद्र, साहित्यरत्न अण्णा भाऊ साठे अध्यासन केंद्र, बाळासाहेब ठाकरे अध्यासन केंद्र, डॉ. बाबासाहेब आंबेडकर इंटरनॅशनल रिसर्च सेंटर अशा केंद्रामार्फत संशोधनाला प्रोत्साहन दिले जाणार आहे. याचबरोबर प्रमाणपत्र आणि पदव्युत्तर प्रमाणपत्र अभ्यासक्रमांनाही मंजूरी मिळाली आहे. यामध्ये सर्टिफिकेट कोर्स इन गार्डनिंग अँड नर्सरी मॅनेजमेंट, सर्टीफिकेट कोर्स इन ऑर्गेनिक फार्मिंग, सर्टिफिकेट कोर्स इन कल्टीव्हेशन ऑफ स्पाईस प्लांट, पोस्ट ग्रॅज्युअट डिप्लोमा इन बायोडायव्हर्सिटी असेसमेंट अँड कन्झर्वेशन या अभ्यासक्रमांचा समावेश आहे. त्याचबरोबर या शैक्षणिक वर्षापासून मास्टर ऑफ बिझनेस एडमिनेस्ट्रेशन (इनोवेशन, आंतरप्रुर्नशिप अँड व्हेंचर डेव्हलमेंट) हा नविन अभ्यासक्रम सुरु केला जाणार आहे. महाराष्ट्र सार्वजनिक विद्यापीठ अधिनियम २०१६ नुसार विद्यापीठाच्या परिक्षेत्रातील जिल्ह्यांमधील विद्यार्थ्यांना उत्तमोत्तम शैक्षणिक सुविधा उपलब्ध व्हाव्यात यासाठी मुंबई विद्यापीठाने पालघर आणि रायगडमध्ये विद्यापीठ उप परिसराची स्थापना केली जाणार असल्याचेही विद्या परिषदेत ठराव करण्यात आला. नवीन अभ्यासक्रम - बीकॉम/बीबीए/ बीएमएस इन मॅनेजमेंट अँड स्पोर्ट्स एडमिनिस्ट्रेशन - बीकॉम/बीबीए/ बीएमएस इन हॉस्पीटॅलिटी मॅनेजमेंट अँड स्पोर्ट्स स्टडीज - बीकॉम/बीबीए/ बीएमएस इन स्पोर्ट्स मॅनेजमेंट - बीएस्सी इन आर्टीफिशिअल इंटेलिजंस अँड स्पोर्ट्स अनॅलिटिक्स - बीएस्सी इन डेटा सायन्स अँड स्पोर्ट्स स्टडीज - एमबीए (इनोवेशन, आंतरप्रुर्नशिप अँड व्हेंचर डेव्हलमेंट) - सर्टिफिकेट कोर्स इन गार्डनिंग अँड नर्सरी मॅनेजमेंट - सर्टीफिकेट कोर्स इन ऑर्गेनिक फार्मिंग - सर्टिफिकेट कोर्स इन कल्टीव्हेशन ऑफ स्पाईस प्लांट - पोस्ट ग्रॅज्युअट डिप्लोमा इन बायोडायव्हर्सिटी असेसमेंट अँड कन्झर्वेशन
from Career News in Marathi: Career News, मराठी Career बातम्या | Maharashtra Times https://ift.tt/30pqKDp
via nmkadda